Friday, October 28, 2011

EK Roz

Thi lamhon ki saazish, ya khwaabon mohlat
Uss roz kya tha jo tum-hum mile the

Kuchh kisse puraane, kuchh sehme bahaane
Kuchh baaton ki ladiyaan, ya uljhe fasaane
The rut ka nishaana, ya taaron ki koshish
Uss roz kya tha jo tum-hum mile the

Ujaale ki dastak pe karwat badalna
Dabe paanv kasmon ka ghar se nikalna
Ye chhote se rishte ki lambi kahaani
Kiski ye zid thi jo tum-hum mile the...